Мұхаметқали Сатов, ҚР ҚК Ұлттық Ұлан Гвардиясы қолбасшысының орынбасары:

- Автомат оның қаруы, пирамидада тұрады. Ол оны қолына ұстамайды, пирамидада тұрады. Бейнебақылауда көрініп тұр. Ол автоматты өзі алады. Өз еркімен. Оқты автоматтың ішіне кіргізеді. Өз-өзін атады. Қасында ешкім болған жоқ, ол жалғыз ғана тұрды. Бекетке ешкім көтеріле алмайды. Қарауылдың бастығы, оның орынбасары. Болды.

Тілшілерге мән жайды түсіндіру үшін Ұлтық ұлан қолбасшысының орынбасары арнайы келіпті. Айтуынша жауынгердің өзіне қол жұмсағанына еш күмән жоқ. Енді соған итермелеуі мүмкін деген жайттарды тергеу анықтауы тиіс. Қызметтік тексеріс басталып, марқұмның командирлері мен қатарластарынан тегіс жауап алынып жатыр. «Өзіне қол жұмсауға итермеледі» деген бап бойынша қылмыстық іс қозғалған. Екі ай бұрын ғана әскер қатарына алынған Әліби Сапаның өлі денесі ақпанның 20-сы күні күзет мұнарасынан табылды. Ол Долинка елді мекеніндегі АК 159/7 тәртіппен түзеу мекемесінің күзететін №6505 әскери бөлімінде борышын өтеп жүрген. Марқұмның денесі бүгін туған жері Алматы облысына жеткізілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!