Мәліметтерге қарағанда станса директоры Қытайдан келетін түрлі тауарларды елге рәсімдеусіз кіргізуге жағдай жасаған. Тіпті, вагондарда тиелген жүктің радиациялық көрсеткішінің нормадан көп болуына көз жұма қарапты. Сол үшін бизнесмендерден жүйелі түрде пара алып отырған. Кеңсесін тінту кезінде 7 миллион теңге табылды. Сондай-ақ, жемқорлыққа қарсы қызмет Астанада Көлік және жол инфрақұрылымын дамыту мекемесінің бөлім басшысын ұстады. Ол бастығының электронды цифрлы қолтаңбасын пайдаланып, бюджеттің 414 миллион теңгесін әлдебір компанияға заңсыз аударғаны үшін шатылып жатыр. Әрі Алматы облысы Ұйғыр ауданы әкімінің орынбасары да ауызбастырық алды деген күдікпен істі болып жатыр. 

Жанна Бастарова, мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі:

- Әкім орынбасарына қатысты сотқа дейінгі тергеу жүргізілуде. Ол жалпы білім беру мекемелерінің басшыларынан жалпы қамқорлығы үшін бірнеше рет пара алды деп күдікті танылуда. Тергеу жалғасып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!