Ақтөбеде полиция департаментін сотқа берген сақшыға пәтер берілді
Үш жыл бұрын лаңкестік оқиғадан соң жұмыссыз қалған Әлібек Жетіғарин осы күнге дейін отбасымен үй жалдап келген.
Автор: Жаңалық Ахаш
27.02.2019
Содырлар сойқаны кезінде жарақат алған сержант үшінші топтағы мүгедек. Иығына тиген оқтан оның оң қолы істемейді. Осыны желеу еткен әріптестері жұмыстан шығарып жібереді. Бұған ашынған инспектор полиция департаментін сотқа беріп, үш миллион теңге өтемақы талап еткен еді. Енді Әлібек Жетіғаринге полиция департаменті ақыры көмек көрсететін болды. Оған мекемелерінен жұмыс қарастырып жатыр. Ал әріптестері бір күндік жалақыларын жинап береді. Ең бастысы баспанамен қамтымақшы.
Ерболат Сарқұлов, Ақтөбе облыстық ПД баспасөз қызметінің жетекшісі:
- Әкімдікпен Ақтөбе облыстық полиция департаментіне бекітілген екі бөлмелі пәтер бөлінді. Қазіргі кезде Жетіғаринді жұмыспен қамту бойынша сұрақтар қарастырылуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
