Жантүршігерлік апатқа түскендердің хәлі туралы дәрігерлер айтты
Атырау облысында жол-көлік апатынан зардап шеккендерге айтарлықтай қауіп төніп тұрған жоқ. Дәрігерлердің айтуынша, түрлі жарақат алған 17 адамның барлығы да өңірдегі медициналық мекемелерге жеткізіліп, олардың алды ауруханадан шығарыла бастапты.
Автор: Жанар Низамутдинова
27.02.2019
3 адамның өмірін қиып, бірнеше адамның аяқ асты ауруханаға түсуіне Атырау-Орал тас жолындағы апат себеп. Жолаушылар автобусы «Вольво» маркілі жүк көлігімен соқтығысып, қоғамдық көліктегі 2 әйел мен 1 ер адам сол жерде тіл тартпай кеткен. Автобустағы 43 адамның 15-і бала. Олар Атырауға жарысқа келе жатқан екен. Қазір жасөспірімдердің ата-аналарымен психологтар жұмыс жасап, олардың Атырауға жетулеріне жағдай жасалуда. Апатқа қай көлік кінәлі екені белгісіз. Қазір қылмыстық іс қозғалып, тергеу жүруде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
