Хуавей компаниясының флагмандық Пи30 және Пи30 про смартфонын тамашалауға Парижге әлемнің әр түпкірінен 3 жарым мыңға жуық адам жиналды. Екеуінің де кез келген заттың нәзік қырын айқындап беретін керемет камерасы бар. Смартфонның нысанына іліккен алыстағы бейне қол созым жердегідей анық көрінеді. 

Олеся Олесниченко, Қазақстан және Орталық Азиядағы Huawei device команиясының pr-менеджері:

- Таныстырылым аяқтала салысымен мобильдік камералардың кәсіби халықаралық рейтнгі Хуавей Р30 Про флагманын жоғары бағалап, 112 ұпай қойды. Тарихта әзірге дейін мұндай оқиға болған емес.

Жаңа флагманның жұмысына шаң мен су әсте кедергі жасай алмайды. Сенбесеңіз, смартфонды су астында жарты сағат ұстап тұрсаңыз болады. Ең бастысы, Пи-30-дың динамигі экранның астында орналасқан. Демек, екеуара әңгімені өзіңізден басқа ешкім ести алмайды. Ал, ұялы телефондағы бейне таспа қызметін жоғары деңгейге көтерген Пи30 үлгісінде 3, Пи30 Про смартфонында 4 камера бар. Төртінші камера 3Д форматындағы сурет түсіруге арналған.

Ричард Ю, Huawei компаниясының тұтынушылармен жұмыс жөніндегі бизнес-тобының президенті:

- Бүгінгі таңда сапа жағынан тек сурет қана емес, бейне таспаның да маңызы ерекше. Біз тұтынушылардың не қалайтынына мән береміз. Бәлкім ол үлкен экран, кәсіби камера қалайтын шығар... Сондықтан біз жасанды интеллекті дамытып, телефоныңызды сенімді серігіңізге айналдырамыз. 

Қос телефонды да сымсыз қуаттауға мүмкіндік туған. Тіпті, жарты сағаттың ішінде смартфонның қуатын 70 пайызға жеткізуге болады. Хуавейдің жаңа өнімдері 5 түске бөленген. Ал, жұрттың көз жауын алған смартфондар елімізде сәуір айының ортасында сатылымға шығарылады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!