Алғашқы жобаларын тың дүниемен бастауды ұйғарған ұйымдастырушылар, сайттарына тіркеліп, сертификат сатып алған көрермендер арасында ұтыс ойынын жүргізді. Тұрғындардың күнделікті тұрмысына сай әзірленген заманауи бағалы сыйлықтар, тікелей эфир арқылы кездейсоқ анықталып өз иелерін табатын болады. Осылайша жаңа идея арқылы халыққа ғажап туындыны ғана емес, керемет естеліктер де тарту етуді көздедік дейді ұйымдастырушылар.   

Наталья Трунилова, фильмнің бас демеушісі:

- Бұл біздің бірінші жобамыз болғандықтан, кинематографшылар нарығына ұтыс ойыны арқылы шығуды жоспарладық. Сертификат иелері фильмге дейін арнайы ұтыс ойынына қатысып, тұсаукесерден кейін сұрақ-жауап кезеңінде бағын сынап көре алады. Бұл жоба 15 наурыздан бастап іске қосылды. Бүгін біз Қазақстанның барлық аймағынан тіркелгендер арасындағы жеңіпаздарды анықтаймыз. 

Тек Алматы қаласының 22 түсірілім алаңында түсірілген романтикалық комедияны толықтай бітіру үшін жарты жылға жуық уақыт кеткен. Арманына қол жеткізу мақсатында өзіне сенімді болған басты кейіпкер, қиялындағы оқиғаны шынайы жағдайға айналдыруға болатынын көрсетеді. Режиссердің айтуынша, көрерменді күлдіре отырып ой түйгізетін фильм, танымал қытай актері Джеки Чанның фильмдеріне ұқсас.   

Юрий Цай Қоюшы-режиссер:

- Біз фильмде агрессияны аз қолдануға тырыстық. Біздің туындыда қару жоқ, есірті және ішімдік көрсетілетін сахналар және т.б. жағымсыз дүниелер жоқ. Сол секілді фильмде қолданылған экшндерді де Джеки Чанның үлгісінде жасап, ешқандай қан болмай керісінше мейірімге толы болуын көздедім.  

Александр Гриннің «Алқызыл желкендер» атты әйгілі повестінің негізінде жасалған туынды заман ағымына сай түсірілген. Киногерлер мамырдың 2-сінен бастап үлкен экраннан көрсетілетін фильмнің көптің көңілінен шығатындығына сенімді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!