Алайда уақыт өте келе бір сәтте қонған бақтан бас тартып, өткеніне оралуды көздеген ол талай қызықты оқиғаны басынан өткереді. 

«Семьянин» фильмі бұған дейін актерлік қырымен танылған Фархат Құлбаевтың режиссер және сценарист ретіндегі алғашқы жұмысы. Сондықтан қобалжып тұрғанын жасырмаған ол, туындысының қызықты комедиямен қоса өмірдің өнегелі сәттеріне толы екенін айтады.

Фархат Құлбаев, режиссер:

- Басты айтарым, көрермендер өзінің өмірі жайында ойлануға толық мүмкіндік алады. Шындығында қалай өмір сүріп жүрмін және жақындарыма көңіл бөлемін бе деген сұрақтарға жауап таба алады.

Фильмнің бас кейіпкері Мұхтар есімді отбасылы азамат. Алайда, үй-жайы болса да басында бірнеше несиесі бар ол өміріне риза емес. Тіпті, тұрмыстың тауқыметімен басы қатқан кейіпкер «егер кешірек үйленсем жағдайым басқаша болар ма» деп есептейді. Ертеңіне өзге кейіпте оянған Мұхтар бір демде өзгеріп шыға келеді. Енді оның зәулім үйі, қымбат көлігі және жанында жас әйелі бар. Алайда, өткеніңе айырбасталған жаңа өмірдің өтеуі қандай болмақ? Әрине, еріксіз ой тастайтын сұрақ.

Осылайша арманына қол жеткізген Мұхтар қайтадан өткеніне оралуға тырысады. Ал, адастырған арманның немен аяқталатынын ертеңнен бастап барлық кинотеатрлардан көре аласыздар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!