{metadescription}
Гауһар Әлімбекова елден жиналған ақшаны қайырымдылыққа жұмсамақ
Гауһар Әлімбекова елден жиналған ақшаны қайырымдылыққа жұмсамақ

Гауһар Әлімбекова елден жиналған ақшаны қайырымдылыққа жұмсамақ

Алты жылға бас бостандығынан айырылған Гауһар Әлімбекова сот залынан ақталып шықты. Алаяқтық бабы бойынша сотталған әншінің апелляциялық шағымын қанағаттандырған сот алқасы, дәлелсіз айып тағуға болмайтынын айтты. Тіпті, судья әншінің өзі де жәбірленуші екенін жеткізді. Алайда, 40 мың долларын даулаған арызданушы Бақыт Назарова мұндай үкіммен келіспейді.

Ал, арымның тазалығын дәледедім деген Әлімбекова жақын күндері қайырымдылық концерт бермекші екен.

Қолхатпен бостандықта жүрген Гауһар Әлімбекованың жүзі жабырқаулы. Көңілінде күдік пен үміт арпалысқан әнші судьяның соңғы сөзін тағатсыздана күткені анық аңғарылады. Ал, бүгінгі шешуші сәтте нақты айғақтың жоқтығын дәлел еткен сот алқасы Әлімбекованы кінәсіз деп таныды. 

Нұрғазы Әбдіқанов, Алматы қалалық сотының төрағасы:

- Әлімбекова Гауһар Серікбайқызы ҚР Қылмыстық кодексінің 190-бабының 4-бөлігінің 2-тармағымен тағылған айып бойынша кінәсіз деп танылсын. Іс-әрекетінде қылмыс құрамының болмауына байланысты ақталсын. 

Гауһарды қолдауға келген қауымның қуанышында шек жоқ. Күдігі сейілген әнші болса, отырған орнында көз жасына ерік берді. Алаяқтық бабымен айыпталған әнші қаңтар айында 6 жылға сотталған еді. Жәбірленуші Бақыт Назарованың айтуынша, бірнеше жыл бұрын жақын құрбысы болған эстарада өкілі тұрғын үй кешенінен үй алып беремін деп, одан 40 мың доллар алыпты. Алты жылдан бері үй тұрмақ ақшасын қайтара алмаған ол сотқа жүгінеді. Алайда, Әлімбекова қылмыстық істің соңына дейін соқыр тиын алмағанын айтумен болды.

Гауһар Әлімбекова, әнші:

Қысқасы әділдік жеңді. Бірінші Алланың арқасында, Аллаға деген сенімнің арқасында. Негізінде мен де жәбірленушімін. Осы уақытқа дейін айтпай келдім. Ол 1 үйден ұтылса, мен 3 үйден ұтылдым. Ол 1 жарым жыл бойы үйін жалға беріп отырды.

Сондай-ақ, атышулы істе басты айыпқа тартылып, 6 жыл 8 айға сотталған және рақымшылыққа байланысты жазасы екі есе мерзімге қысқарған Феруза Ордабаева да сот отырысында Гауһардың кінәсіздігін айтқан. Ал, жәбірленуші Бақыт Назарова бүгінгі үкімнің әділдігіне күмән келтірді.

Бақыт Назарова, жәбірленуші:

- Мен үшін сот өзінің әділетсіздігін тағы дәлелдеп отыр. Мен кассациялық сотқа тіпті Жоғарғы сотқа дейін барамын. Керек болса әлемдік

Ал, сот залынан ақталып шыққан Әлімбекова жақын күндері сахнаға қайта оралып, қайырымдылық концерт бермекші.  

- Жазығым не мен әлі түсінбеймін

- Бар ма әлде жазған ісім деймін...

Үкімнен кейін әншіге әріптестері жинаған 40 мың доллар жайы да назардан тыс қалмады. Себебі, бұған дейін адвокаттар жәбірленуші бұл қаржыдан бас тартып, 80 мың доллар талап еткенін айтқан еді. Енді көпшіліктен жиналған жылу қайырымдылық шараға жұмсалады екен.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде
Для просмотра требуется поддержка flash и javascript.