Зардап шегушілер «Happy cake» фирмасының өнімдерін тұтынғаннан кейін өздерін жайсыз сезіне бастаған. Апта басында жүрегі айнып, дене қызуы көтерілген бір отбасының 4 мүшесіне торттан уланды диагноз қойылған. Осыдан кейін дәрігерлердің көмегіне тағы 6 адам жүгінген. Олар да осы кондитерлік цехтің «Құс сүті» тортын жегеннен кейін халі нашарлағанын айтыпты. Егер кәсіпкердің заңды бұзғаны анықталса, бір жарым миллион теңге айыппұл арқалауы мүмкін. 

Сәдуақас Байғабылов, Нұр-Сұлтан қаласының қоғамдық денсаулық сақтау департаментінің басшысы:

- Кәсіпкерлік нысаны санитарлық-эпидемиологиялық мамандардың құжатынсыз жұмыс істеген. Алайда, екі жыл бұрын өтініш бергенімен  тазалық талаптарына сай болмағаннан кейін рұқсат алмаған. Елімізде шағын және орта бизнес нысандарын 3 жылға дейін тексеруге рұқсат жоқ. Кәсіпкер нысанды кофехана ретінде тіркеген. Сөйтсе, бұл кондитерлік өнім шығаратын цех екені анықталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!