«Алтын қалам» байқауының жеңімпаздары анықталды
Алматыда «әдеби Оскар» жеңімпаздары анықталды! Қаламгерлер мен әдебиет саласының дамуына үлес қосып жүргендерді «Алтын қалам» жүлдесін ұйымдастырушылар марапаттады. Биыл бұл жүлде екінші рет табысталып отыр. Жүлдеге лайық деп тапқан азаматтарды 60-тан астам сарапшы қатаң іріктеуден өткізіп, таңдап алған.
Автор: Салтанат Шырынхан
23.04.2019
Кенже Жұманұлы, «Алтын қалам» жүлдесінің ұйымдастырушысы:
- Көбінесе авторды бағалаймыз да, ал сол автордың шығарған әдемі кітабын бағалай бермейміз. Өйткені ол да бір баспадан жарық көреді. Оның безендірілуі, мұқабасының ішіндегі қағазының әдемі шығуының барлығы баспаға байланысты.
Жүлде 5 аталым бойынша берілді. Орал Арукенова есімді автордың кітабы «Жылдың әдеби дебюті» аталымы бойынша үздік деп танылған. Ал, оқырмандардың таңдауы Асқар Нұршаның «Путиннің Ресейі: геосаяси немесе агрессивті қорғаныс» туындысына түсіпті. Сондай-ақ, қаламгер Гүлнар Бажкенова да әлеуметтік тақырыпта ең үздік кітап жазған автор деп танылған. Бүгін осы шара барысында «Алтын қалам-2018» байқауы жүлдегерлерінің шығармалар жинағының тұсауы да кесілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
