Алматыда қоқыс жинаушы бұзақылардан таяқ жеп, комаға түсіп қалды
Басынан оңбай жарақат алған жігітке дәрігерлер 5 сағатқа жуық ота жасаған.
Автор: Аруна Ортай
30.04.2019
Коммуналдық қызметтің жұмысшысы бүгін бесінші тәулік әлі есін жиған жоқ. Соққының қатты болғаны сонша, тіпті өздігінен тыныстай алмай жатыр. Естеріңізге салсақ, оқиға жұма күні таңғы 7-лер шамасында болған. Тұрғынүйлердің маңында қоқыс тазалап жүрген жұмысшыларды 4 бірдей бұзақы жабылып ұрған. Төбелес кезінде үш жұмысшының бірі жерге сұлап түскен. Мәліметке қарағанда, түнімен көңіл көтерген топ қоқыстың маңында бас жазып отырған. Сөйтіп, арада ерегіс туған. Қоқыс жинаушыларды ұрып-соққан бұзақылар қазір қамауда. Ал қалған екі жұмысшы жеңіл жарақат алған. Десе де, дәрігерлер соққыдан есінен айырылған үшінші жұмысшының тірі қалуы екіталай деп отыр.
Ербол Мәкежанов, нейрохирург:
- Отадан кейінгі жағдайы мүшкіл. Өздігінен демалу жоқ. Аппаратқа қосылған. Күтеміз енді әрі қарай.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
