Тоқаев Жапонияның жаңа императорын таққа отыруымен құттықтады
Күншығыс еліндегі әріптесіне жеделхат жолдаған президент екі ел арасындағы достықтың жалғасатынына сенім білдірген.
Автор: Аруна Ортай
02.05.2019
«Аз мерзімнің ішінде сіздің ел мен біздің ел арасындағы стратегиялық қарым-қатынас барынша нығайды. Қазақстан Республикасының президенті ретінде екі ел арасындағы достықты әрі қарай да дамытып, халық игілігіне қызмет ететін саясаттың сақталуына бар күшімді саламын» деп жазды Тоқаев Жапония императорына жолдаған хатында. Естеріңізге салсақ, күні кеше ғана Жапонияда үлкен оқиға болды. Мұнда тарихта тұңғыш рет император тағынан бас тартып, оны баласына берді. 85 жастағы Акихито 30 жыл император болған. Енді оның орнын 59-жастағы ұлы Нарухито басты. Жалпы, Жапонияда императорлар өз тағында өмір бойы отырады. Сондықтан өз еркімен императорлықтан бас тарту оқыс шешім саналады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
