Асқақ рухты батыр қыздардың асқақ суреті
Оралда Мәншүк Мәметова, Әлия Молдағұлова мен Хиуаз Доспанованың ерекше портреті пайда болды. Көздің жауын алар алып сурет қаланың қақ ортасына салынды.
Автор: Аруна Ортай
08.05.2019
Қазақтың батыр қыздарын бейнелеу үшін суретшілер әдейі көпқабатты үйдің қабырғасын таңдаған екен. Алыстан көзге түсетін сурет о бастан-ақ оралдықтарға ұнап қалған. Ал ерекше портреттің авторлары болса, небәрі жиырмадағы қыз бен жігіт. Қазақтың қаһарман қыздарын айнытпай салу үшін екеуі екі аптадай аянбай тер төгіпті. Суретшілердің тілегі бір. Ақтық демі біткенше пулеметтен оқ боратып, қаза тапқан қазақтың батыр қызы Мәншүк пен асқан мерген Әлияны, Халық қаһарманы, әрі «қанаты бар қыз» атанған ұшқыш Хиуаз Доспанованы жастар естен шығармаса. Кеңес Одағы батырларының суретін салмас бұрын олар тарихшылармен ақылдасқан.
Дарья Запрометова, суретші:
- Көзін салған аздап қиын болды. Өйткені, батырлардың көзқарасы бәрінен бөлек. Суретті шынайы етіп жеткізу үшін біраз тер төгуге тура келді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
