Жылу ақысын көтеруге бірден келісім берген шенеуніктер шатылып жатыр
Ақтөбеде табиғи монополияларды реттеу және бәсекелестікті қорғау департаментінің басшыларына қатысты сот басталды. Оларға өңірдегі тұтынушыларға 450 миллион теңгеге жуық шығын келтірді деген айып тағылып отыр.
Автор: Жаңалық Ахаш
08.05.2019
Департамент басшысы Гүлнұр Масина мен орынбасары Нұрлан Болатбаевқа алғашқыда қызметін асыра пайдалану бабы бойынша іс қозғалған еді. Олар ақшаны қалталарына басып алмағанын айтып ақталған соң, прокурорлар тағылған айыпты «қызметтіндегі салғырттық» бабына өзгертті. Шенеуніктер Ақтөбедегі жылу-электр орталығы мен Трансэнерго мекемесі тарифті өсіруді сұрай келгенде, толық зерттеу жүргізбеген. Жылу ақысын көтеруге бірден келісім беріпті. Соның кесерінен аймақтағы 233 мемлекеттік мекеме, одан бөлек жеке тұлғалар жарты миллиардқа жуық теңгені артық төлеген. Енді шенеуніктердің бұл былығынан соң ол ақшаны қалай кері қайтарары әзірге белгісіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
