Президенттікке кандидат Қасым-Жомарт Тоқаев үгіт-насихатты күшейтті
Президенттікке кандидат Қасым-Жомарт Тоқаевтың республикалық қоғамдық штабы Павлодар облысына келді. Индустриялық аймаққа ат басын бұрған үгіт-насихат тобы түрлі сала мамандарымен жолықты.
Автор: Мақсат Мәлік
14.05.2019
Кездесу барысында этномәдени ұйым өкілдері, жұмысшылар мен жастар сайлауалды бағдарламамен танысып, нақты бағыттарына қанықты. Әсіресе, алдағы 5 жылда жастарға ерекше көңіл бөлінбек. Соның арқасында олардың кәсіп ашуы, білім алуы және әлеуметтік жағдайының жақсаруы жіті бақыланады.
Мәулен Әшімбаев, Президенттікке кандидат Қасым-Жомарт Тоқаевтың Республикалық қоғамдық штабының басшысы:
- Қасым-Жомарт Кемелұлының бағдарламасы Елбасының саясатының сабақтастығын қамтамасыз етуге, Тұңғыш Президентіміздің Жаңғыру бағдарламасын ары қарай жалғастыруға, сондай-ақ халықтың әл-ауқатын ары қарай арттыруға бағытталған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
