Қосановтың жақтастары қант зауытына барды
«Ұлт тағдыры» қоғамдық бірлестігінің атынан сайлауға түскелі жатқан Әміржан Қосановтың жақтастары Көксу ауданындағы қант зауытына барып, бағдарламаларын таныстырды. Үгіт-насихат жұмыстары кезінде аймақтарды дамыту мәселесіне баса назар аударылды.
24.05.2019
Талдықорған қаласынан бастау алған сайлауалды шара қазіргі таңда елдімекендерде жүргізілуде. Ондағы мақсат – президенттікке кандидад Әміржан Қосановтың ұстанымдарын барынша көп азаматқа жеткізу. Сондай-ақ саяси науқан аяқталғанша тағы бірнеше ауданды қамтуды жоспарлап отыр.
Жүкел Хамай, Ә. Қосановтың өңірлік сайлауалды штабының жетекшісі:
- Алматы облыстық Әміржан Қосановтың штабы өңіріміздегі ең үлкен қант зауытында қант шығарып жатқан азаматтармен кездесіп, өз жоспарымызды, бағыт-бағдарымызды таныстырдық. Бұл азаматтар біздерді қолдап, жақсы қарсы алды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
