Ботагөз Баянова, Нұр-Сұлтан қалалық соты ақпараттық қамтамасыз ету бөлімінің басшысы:

- Кедендік тексеру қызметкерлеріне қарсы былапыт сөздер айту фактісі анықталды. Ол бойынша Нұр-Сұлтан қаласының мамандандырылған ауданаралық әкімшілік соты 5 АЕК түріндегі жазасын тағайындады.

Белгілі музыкант пен «Эйр Астана» қызметкері арасындағы дау сәуірде басталған еді. Кеден жолағында жолаушыларды тексеріп тұрған қыз «Дос-Мұқасанның» әншісі ауыр сөздер айтты, одан қалды бетімнен ұрды деп сотқа шағымданған. Сондағы бойжеткеннің бар кінәсі аяқ киімін шешуін сұрағанында екен. Мұрат Құсайынов бастапқыда өзінің кінәсіздігін айтып, керісінше «қыз жала жапты» деген болатын. Алайда осылай деп басын ала қашқан әнші сотта кінәсін мойындаған. Өз қателігін түсінген композитордың бірінші рет бұзақылық жасағанын ескерген судья әншіге кешіріммен қарап, 12 625 теңге айыппұл салды. Сотта тағы белгілі болғанындай, Мұрат Құсайыновқа әуежайда айқайға басып, басқа жолаушылардың да мазасын алды деген айып тағылған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!