Сұмдық жайт «Қарлығаш» балабақшасында болған еді. Қос бірдей қызды ашық тұрған терезесінің жақтауына шығарған тәрбиеші біреуін құлатып алады. Зардап шеккен баланың миына қан құйылып, ес-түссіз ауруханаға жеткізілген болатын. Ал 50 жастағы тәрбиешіге араша түскен әріптестері оның жиырма жылдан артық тәжірибесі барын да айтқан. Десе де, балабақшадағы бұл жайтқа қатысты тергеу жүргізіліп жатыр. Ал терезеден бетонға сұлап түскен сәби енді есін жиды. Дәрігерлер оның сөйлеп, тіпті тамақ іше бастағанын да айтты. Палатаға ауыстырылған бала анасының жанында. Жақында үйіне шығарылады. Дегенмен, ақ халаттылар бүлдіршіннің әлі де ұзақ емделетінін жеткізді. Бас сүйегі сынған қызға ерекше күтім қажет.

Марат Досқалиев, Алматы облыстық көпсалалы балалар ауруханасы бас дәрігері:

- Алты айдай бала реабилитация өту керек. Ол қатты зақым алған. Ол тез жазылмайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!