Рақымбеков Атырауды аграрлы аймаққа айналдырмақ
Ауыл дамыса, ел дамиды. Президент сайлауына «Ауыл» партиясының атынан сынға түсетін Төлеутай Рақымбеков Атырау облысына барды. Кандидат бірқатар шаруа қожалықтарын аралап, олардың жағдайымен танысты.
Автор: Салтанат Шырынхан
29.05.2019
Атырау облысындағы «Сарайшық» кәсіпорыны ұсақ малдан 14 түрлі өнім шығарады. Бұл ТМД көлеміндегі бірегей аграрлық ферма. Нысандардың жай жапсарымен танысқан кандидат 160 гектар аумаққа 40 мың түп ағаш отырғызылған алма бағына да ат басын бұрды. Ол осы саланың дамуына тың серпін беруге болатынын алға тартты.
Төлеутай Рақымбеков, Президенттікке кандидат:
- Атырау облысында табиғат пен климат ауыл шаруашылығымен айналысуға келмейді деген пікір бар. Бұл Алматы облысы емес, бүл Түркістан облысы емес, бұл Ақмола облысы емес. Бірақ, егер еңбектенем десе адам барлығын өндіруге болады. Бәрін жасауға болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
