Оралдықтардың екі тәулік сусыз отыруына шенеуніктердің олқылығы себеп
Қаланы сумен қамтып тұрған кәріз жүйесі мүлдем сапасыз материалдан жасалған болуы мүмкін. Мұндай жорамалды коммуналдық апатты тексеріп жатқан комиссия жасап отыр.
Автор: Бек Әбиев
31.05.2019
Нұр Төлеуғалиев, «Батыс Су арнасы» ЖШС директоры:
- Кәріз жүйесіне салынған құбырдың материалынан болуы мүмкін. Сондықтан тап мынадан болды деп айта алмаймын. Арнайы комиссия шешім қабылдайды. Содан кейін шешімін жария етеміз.
Комиссия шыныпластиктен жасалған құбыр үлкен қысымнан шытынаған болуы мүмкін деп топшылайды. Қала сыртындағы 800 милиметрлік кәріз коллекторының жарылған тұсын мамандар екі тәулік дегенде әзер бітеді. Осы апат кесірінен Оралдың үштен бір аумағы тіршілік нәрінсіз қалған болатын. 35 градустық ыстықта сусыз қалған жұрт тіпті жұтым суды таба алмай қиналды. Ал темір құбырды осыдан 10 жыл бұрын шыныпластикке ауыстырған шенеуніктер сапасына бас ауыртпаған сыңайлы. Енді олар құбырды биылдан қалдырмай ауыстырамыз деп ант-су ішіп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
