Тоқаев наразылықтың кедейшіліктен туындап отырғанын айтты
Мемлекет халықтың талабын естіді! Қасым-Жомарт Тоқаев шетелдік «Еуроньюс» телеарнасына берген сұхбатында осылай деді. Президенттің айтуынша, жұрт наразылығы кедейшіліктен туындап отыр.
Автор: Ербол Тұрымбет
14.06.2019
Қасым-Жомарт Тоқаев, Қазақстан Республикасының президенті:
- Олардың талаптары негізінен әлеуметтік мәселелер. Әрине, ондай мәселелер жоқ демеймін. Жұрт кедейленген. Барлығы содан шығып отыр. Олар Үкіметтен күрделі әлеуметтік-экономикалық мәселелерін шешуді талап етеді.
Қасым-Жомарт Тоқаев халықтың қойып отырған талабын ел билігі естігенін, енді соған байланысты жұмыс істейтінін айтты. Президент сондай-ақ, елдегі толқулар кезінде қаннен қаперсіз кетіп бара жатқандардың да полиция қолына түсіп қалғанынан хабардар. Сондықтан мемлекет олардың алдында кешірім сұрайтынын және дереу босатылатынын айтты. Айта кетейік, Бас прокуратура Нұр-Сұлтан мен Алматы қалаларында 9, 10, 11-маусым күндері 957 адамға әкімшілік жаза қолданылып, 670-і қамауға алынғанын мәлімдеген еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
