Мына бейнежазба полицейлердің кеудешесіне орнатылған таспаға түсіп қалған. Кешкі 8-дер шамасында той кортежі сапында серуенге шыққан «Тойота Камри-70» пен «Тойота Камри-30» және «Лада Приора» мінгендер Әл-Фараби даңғылында жол ережесін өрескел бұзып, көліктерінің мемлекеттік нөмірлерін де шешіп тастаған. Сондай-ақ, жол жүру куәліктерінің жоқтығына қарамастан, жоғары жылдамдықпен жүйткіген. Олар «Қыз ұзату» тойынан қайтып келе жатқан 21 мен 23 жас аралығындағы жастар болып шықты. Олар 4 бірдей жол ережесін бұзғаны үшін жауапкершілікке тартылмақ. 

Салтанат Әзірбек, Алматы қалалық ПД ресми өкілі:

- Қылмыстық кодекстің 380-ші бабының 1 тармағы бойынша кем дегенде 3 жылға дейін бас бостандығынан айыру мерзімі көзделуде. Сонымен қатар барлық сол 3 автокөліктің жүргізушілеріне кем дегенде 4 бұзушылықтар үшін хаттамалар толтырылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!