Оқиға орнында жан тапсырған 6 адамның арасында, 6 жасар кішкентай қыз да бар. Оның әжесі де сол жерде мерт болды. Одан басқа тағы 1 ер адам мен 3 әйел тіл тартпастан кеткен. Оқиға түнгі сағат бірдің шамасында Астраханка кенті маңында болған. «Лада» автокөлігі мен «Volkswagen Golf» Павлодардан Қостанай қаласына жол тартып бара жатыпты. Түн ішінде оларға жолдың қарсы бетінен «Mercedes» келіп соғылған. Қаза тапқандардың бесеуі «Лада» көлігіндегілер, алтыншысы «Мерседестің» жолаушысы.

Гүлнәр Пинчук, Ақмола облыстық ПД баспасөз қызметінің жетекшісі:

- Жедел тексеру тобы «Мерседес» көлігінің жүргізушісі қарсы бетке шығып кетіп, «ВАЗ 2115» көлігіне соғылғанын анықтады. Апатқа ұшыраған екінші көлік те соның соңында келе жатқан. Қазір жол ережесін өрескел бұзып, адам өліміне әкелгені үшін Қылмыстық Кодексінің 345-бабы 3-бөлімі бойынша іс қозғалды. Сот медициналық сараптама тағайындалды.  

 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!