Денисті еске алу рәсіміне туыстары мен достары, танымал спортшылар және өнер қайраткерлері келген. Бір жыл біртуар ұлды жоқтаған жүректердегі жараны әлі жаза алмағандай. Болмысы бөлек, спортта дара, өмірде қарапайымдылығымен тәнті еткен Денис Тенді бір жыл бұрын қаскөйлер пышақтап кеткен еді. Санынан жарақат алып, көп қан жоғалтқандықтан, ауруханада ақ халаттылар ажалға араша түсе алмады. Көлік айнасын ұрлаймын деп қазақты айнасынан айырғандар жаза арқалады. Бірақ, Денистің орны әлі үңірейіп бос тұр.

Ислам Байрамуков, Сидней олимпиадасының күміс жүлдегері:

- Денис Тен тек қана Қазақстан емес, бүкіл әлем танитын белгілі спортшы. Нағыз 100 жылда бір туатын тұлға. Аз ғұмыр кешсе де, үлкен іс атқарды дүниеде. Қазір енді ескерткіш қойылып, Денис Тен атынан бірталай іс-шаралар орындалады деп ойлаймын. Бірақ өз атын алтын әріппен жазып кетті бұл кісі. Біз үшін, бұл деген мәңгілік сақтаймыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!