Істі болған білім министрінің бұрынғы орынбасары кенжесінен айырылып қалды
Кенжесінен көз жазып қалды. Алматы облысында білім және ғылым министрінің бұрынғы орынбасары Эльмира Суханбердиеваның кіші ұлы абайсызда бассейінге құлап, көз жұмды. Оқиға Іле ауданына қарасты Өтеген батыр ауылында болған.
Автор: Бауыржан Жақсымбет
26.07.2019
Облыстық төтенше жағдайлар департаментінің мәліметі бойынша, қайғылы жағдай кеше кешкі сағат 22 шамасында тіркеліпті. Мамандардың айтуынша, балақай үлкендердің қарауынсыз қалып қойған.
Азамат Жұртбаев, Алматы облысы ТЖД баспасөз қызметінің жетекшісі:
- Іле ауданы Төтенше жағдай бөлімінің қызметкерлері оқиға орнына келген соң, үлкендердің қарауынсыз қалған 2015 жылғы туылған бала жеке тұрғын үйдің бассейіне құлап, суға батқаны анықталды. Алматы облысы төтенше жағдайлар департаменті азаматтарға балаларды үлкендердің қарауынсыз судың жанында қалдыру өте қауіпті екенін тағы бір рет еске салады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
