Kaspi.kz-тің мыңнан астам қызметкері Нұрсұлтан, Алматы, Атырау, Карағанды, Тараз, Екібастұз, Шымкент және еліміздің басқа қалаларында қоқыс тазалап, табиғатты тазартуға шықты. Алма-Арасан шатқалы алматылықтардың сүйікті демалыс орны. Kaspi.kz еріктілері мұнда 2 000 қапқа жуық қоқыс жинады. Көпшілігі акцияны қолдауға отбасылары, балаларымен келген. 

Юлия Тулебаева, Kaspi.kz қызметкері:

- Менің есімім Юлия, жолдасым Руслан, қызым Адель. Бүгін біз отбасымызбен біздің Kaspi.kz ұйымдастырған «Бірге таза Қазақстан» акциясына қосылдық. Біз қаламызды қатты жақсы көреміз, сондықтан оның таза болуы үшін акцияға қуана қосылдық.

Шымкентте Kaspi.kz қызметкерлері Сайрам-Өгем табиғи паркін тазалауға шықты. Мұнда да еріктілерге жұмыс көп болды.

Әсел Қанатбек, Kaspi.kz қызметкері:

- Бүгін көп қоқыс жинадық. Әсіресе жүз жылдап табиғатта жата беретін пластикалық құты, пакеттер көп. Айналамыздың тазалығына үлес қосу көңіл қуантады.

Нұр-Сұлтанда Kaspi.kz қызметкерлері Қарасу мен Есіл өзендерінің жағасын ретке келтіруге көмектесті.

Жанар Анпилова, Kaspi.kz қызметкері:

- Біздің тамаша өзендеріміз, жерлеріміз бар. Бірақ көпшілігі қоқыс, лас. Сондықтан ортақ іске қосылып, біздің Қазақстанның таза болуына үлес қосқымыз келді. Көптеген әріптестеріміз қатысуда, Алматы, Көкшетау, Атырауда көптеген адамдар, әріптестеріміз дәл қазіргі сәтте акцияны қолдап, үлес қосуда.

Kaspi.kz еріктілерінің жұмысын табиғатты қорғаушы инспекторлар мен демалушылар бағалап үлгерді.

Болат Байғозиев, Іле Алатауы ұлттық паркінің инспекторы:

- Kaspi.kz ұжымынан үлкен көмек болып тұр. Табиғат тазылығы кейінгі ұрпаққа үлгі боп, осындай жиі-жиі болып тұрса. Kaspi.kz-ке үлкен рахметімізді айтамыз.

Сұлтан Әділбеков, Kaspi.kz клиенті:

- Мен үш жылдан бері Kaspi клиентімін. Белсенді қолданамын, бонустар жақсы. Бүгін достарымызбен демалуға келіп, Kaspi.kzті көріп қалдым. Бәрі Kaspi футболкасында айналаны тазалап жүрді. Kaspi таза қала үшін. Егер келесі жылы шақырса мен де мұндай акцияға қатысамын.

Көптеген компаниялар Kaspi.kz үлгісімен бүкіл Қазақстанды қамтыған «Бiрге – таза Қазақстан» экологиялық акциясына қатысуда. Әкімдіктер тазалауға болатын табиғи нысандар тізімін жариялап, қоқыс тазалауды ұйымдастыруда. Бәріміз біріксек туған жерді ретке келтіре аламыз. Оны дәл қазір бастауға болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!