Жалған банкноталар компьютерлік техниканың көмегімен жасалған. Бетінде геометриялық мүсіндер түріндегі сутамғы белгілері бар. Мұқият зер салса «Самұрық» құсы бейнесіндегі сутамғы белгінің имитациясын байқауға болады. Қолдан жасалған ақшаны ультракүлгін жарықпен қарағанда көгілдір түсі көрінбейді. Өйткені, алаяқтар түрлі-түсті талшықтарды қолдан бояйды екен. Сондай-ақ жалған ақшаның түсі түпнұсқаға қарағанда көмескіленіп тұратын көрінеді.

Асхат Әбішов, Ұлттық банк қолма-қол ақша айналымы департаментінің сарапшысы:

- Жасанды ақшаны түпнұсқадан ажыратуға көмектесетін оңай тәсіл бар. Банкнотаның қағазы ерекше сықырлайды. Ақшада бедер беретін арнайы мөр бар. Бұл бедер банкнотадағы «Қазақ елі» ескерткішінде анық көрініп тұруы тиіс. Қазақстан картасы және «ҚАЗАҚСТАН ҰЛТТЫҚ БАНКІ» деген жазу салынған жерде байқауға болады. Банкнотаның түсі анық әрі контрастты болуға тиіс.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!