Қанат Әлмағамбетов, «Қазақстан темір жолы» ҰҚ» АҚ басқарма төрағасының бірінші орынбасары:

- Болған оқиғаға қатысты өкініш білдіре отырып, «Қазақстан темір жолы» атынан және жеке өз атымнан кешірім сұраймын. Барлығы заң аясында болады. Сот заң бойынша «ҚТЖ» немесе «Жолаушылар тасымалы» жапа шегушіге осынша төлеуі керек деп шешім шығарса, онда компания, әлбетте, ол ақшаны төлеп береді.

Оқиғаның өзі былтыр, 2018 жылдың қыркүйек айында болған. Астанада ғылыми конференцияға қатысқан докторант әйел Ақтөбеге, «Тальго» пойызымен үйіне қайтып бара жатыпты. Тергеу мәліметі бойынша, купеде жалғыз жатқан әйелге таңғы сағат 4-тер шамасында сыраға сылқия тойып алған екі жолсерік бірінен кейін бірі кіріп, тарпа бас салған. Бұл жағдай енді ғана жарияланып жатыр. Осы жайттан кейін екеуі де былтыр жұмыстан қуылып, пойыз бастығы орнын босатқан. Қызметтік жаза мұнымен бітпеді. Жуырда «Жолаушылар тасымалы» компаниясының тағы бірқатар топ-менеджерлеріне қатаң сөгіс жарияланып, кейбірі орындарын босатқан. Ал негізгі кейіпкерлер – екі жолсеріктің әрқайсысы 2 жарым жылға бас бостандығынан айырылды. Компания басшылығы болса, «Бір құмалақ бір қарын майды шірітті» дегенге келтіріп отыр.

Қанат Әлмағамбетов, «Қазақстан темір жолы» ҰҚ» АҚ басқарма төрағасының бірінші орынбасары:

- Бұл оқиғадан жолаушы ғана жапа шеккен жоқ, сонымен бірге біздің басқа да жолсеріктеріміздің, барша қызметкерлеріміздің абыройына дақ түсірді. «Қазақстан темір жолы» - бүкіл ел аумағына жолаушылар мен жүк таситын ұлттық компания. Компаниямыздың беделіне нұқсан келді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!