Ертең күн одан сайын ысиды
«Қазгидромет» еліміздің 4 облысында және Елордада дабылды ескерту жариялады. Синоптиктердің айтуынша, алдағы күндері кей өңірлерде 42 градусқа дейін аптап ыстық күтіледі. Ал, енді бір аймақтарда жаңбыр жауып, найзағай ойнайды. Сондай-ақ, жел күшейіп, дауыл болады. Тіпті, бұршақ жаууы да ықтимал.
Автор: Нұргүл Нұрланқызы
05.08.2019
Ауа райының бұлай құбылуына Қазақстан арқылы өтетін атмосфералық фронтальдық бөліктер әсер етеді. Мәселен, аптап ыстықты Ираннан келетін жылы ауа массалары әкеледі. Соған байланысты, Нұр-Сұлтандағы температура +36-ға дейін жетпек. Ал, Қызылордада 42 градус болады деген болжам бар. Түркістан облысында да 41-43 градус аралығында ыстық күтілуде. Артынша, мұнда жел тұрып, оның жылдамдығы секундына 15-20 метрге дейін жетеді дейді синоптиктер. Жел тұрып, жауын-шашын болуына Мурмансктен бет алған салқын ауа массалары әсер етеді. Соның салдарынан, Солтүстік Қазақстан және Қостанай облыстарында бұршақ та жаууы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
