Айбек Смадияров, Сыртқы істер министрлігінің ресми өкілі:

- Жеңіл автокөлікте 7 адам болған. Оның ішінде кәмелетке толмаған екі бала бар. Олар Қазақстаннан Өзбекстанға өздерінің туысқандарына бара жатқан жерінен апатқа ұшырады.

Апат Науаи облысының «Нұрата-Жизақ-Фариш» автожолының 136-шы шақырымында болған. 7 жолаушы мінген «Нексия» жолдың қарсы бетіне шығып кетіп, «Исузу» жүк көлігімен бетпе-бет соқтығысқан. Дипломаттар зардап шеккендерге көмек көрсетуде. Дегенмен, қаза тапқандардың туыстары ажал құшқандарды Өзбекстанда жерлеуді ұйғарыпты. Бұдан бөлек, Алматыдан Нүкіске бағыт алған жолаушылар автобусы Бұқар облысында аударылып қалды. Соның салдарынан 1 адам қаза тапты. Зардап шеккен 10 жолаушының алтауы – Қазақстан азаматтары.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!