Содан бері полицейлер мен 100-ден астам ерікті күн-түн демей іздеуге кірісті. Жоғалған азаматтың қалтасында несие төлейтін қомақты қаржысы да болған екен. Бірақ туыстары оның ешқандай ерсі қылығы жоқ, жауапкершілігі жоғары жігіт болғандығын айтады. Тіпті отырыстан кейін, бірге тұратын әпкесіне хабарласып, үйге келе жатқанын ескерткен. Десе де артынша оралмаған. Тіпті қоңырауға жауап бермепті. Бақылау камерасына оның көшедегі бұрылысты кесіп өтіп, Есіл өзенінің жағалауына қарай кеткені түсіп қалған. Содан кейін із-түссіз кеткен Сағындықтың жансыз денесі бүгін таңда Есіл өзені жағасынан 100 метр жерден табылып отыр. Қомақты қаржы өзімен болып шықты. Қазір қайғылы жағдайдың себебі анықталып жатыр.

Нұрбек Баекин, СҚО ПД Баспасөз қызметінің бас маманы:

- Тамыздың 7-сі күні таңертең полиция қызметкерлері Есіл өзеніндегі дамбы маңынан зорлықпен өлтіру белгілері байқалмайтын денесін тапты. Мәйіт сот-медициналық сараптамаға жіберілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!