Апат Райымбек даңғылының бойында болды. Куәгерлердің айтуынша, Toyota Ipsum мен Lada Priora көліктері жолдың жаңбыр су басқан жеріне келгенде, жылдамдықты азайтқан. Сол сәтте олардың артында қалааралық қоғамдық көлік келе жатыпты. Оның жүргізушісі алдағы машиналардың тежегішті күрт басуын күтпесе керек, тоқтап үлгермей, екі көлікке барып соғылады. Ал, олар басқа темір тұлпарға ұрылған. Зардап шеккен екі адамға амбулаторлық көмек көрсетілді. Қалғандары ауруханада ем алып жатыр

Илдар Құрмаев, №7 қалалық клиникалық аурухананың бөлім меңгерушісі:

- Ер адам мен әйел адам ауруханаға жатқызылды. Екеуі де жабық ми жарақатын алған. Ер азаматтың миы шайқалған. Қазір олар қабылдап жатыр. Жағдайлары тұрақты. Ал, тағы екі зардап шегушіге амбулаториялық көмек көрсетіліп, үйлеріне жіберілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!