- Осылай тұрғанына үш күн болды. Жата алмайды. Өйткені олай етсе, ауыртады. Төмен жағы ауырады деп жатыр. 

Бұл аймаққа беймәлім кесел. Ауылға иемене кірген індет, ешкімді аяйын деп тұрған жоқ. Жарлының жалғыз сиырын да сұлатуға бар. Ал тұрғындардың дабыл қағуы бекер емес. Себебі жұмбақ ауру бүкіл ауылды жайлаған. Галина әжей етсіз, сүтсіз қаламын ба деп алаңдаулы. Өйткені оның 9 сиыры ілініп-салынып әзер жүр.   

Галина Дорошкевич-Лукьяненко, Тоқышы ауылының тұрғыны:

- Өрістен келген сиырлардың денесінде ісіктер пайда болған. Ал азанда қарындары керіліп, ісіп кеткен. Сілекейлері шұбырып, көздері жасаурап тұрады. Жүре алмайды. Аяқтарын әзер басады.

Осылайша ауыл жұртының 20 күнен бері басы қатып жүр. Бұқара  мұндағы жағдайды ветеринарларға айттық дейді. Бірақ әлі күнге бірде бір маман келіп жағдайды бақылауға алмапты. Қазір тұрғындар өз бастары үшін алаңдаулы. Себебі түрт түлікті діңкелетенкен кесел, бізге де жұғуы мүмкін деп қауіптенеді.

Нұргүл Әбілова, Тоқышы ауылының тұрғыны:

- Мал дәрігерлері үйіме әлі келген жоқ. Оларды өз көзіммен көрген жоқпын. Қой, жылқыларым бар. Біреуінен келіп қан алған жоқ. Сиырларды емтеу үшін осындай дәрілерді алып жатыр. Бағасы – 10 мың теңге.

Аты бар да, заты жоқ мал дәрігерін біз де таппадық. Ауыл әкімінің айтуынша, ветеринар жеке шаруасынан босай алмай жүр. Алайда, оның басшысы қарамағындағы қызметкер жауапсыз қалмайды деп сендіреді. Себебі ол ауылдағы ахуалды жасырған деп салды. Ал өздері мәселенің байыбына бармай жатып жұртты дүрлікпеуге шақырады.   

Сергей Калякин, мемлекеттік ветеринарлық бақылау бөлімінің жетекшісі:

- Біз жануарларды қарап шықтық. Бастысы әзірге малдар қырылып жатқан жоқ. Клиникалық жағдайлары қалыпты. Ия, бір түсінбейтін белгілер бар. Ол нодулярды дермортит болуы ықтимал. Бірақ оған да ұқсатаймын сияқты. Әйтеуір бір түсініксіз ісіктер.

Абдырап қалған тұрғындар ауру сиырларды өздері емдеп көрген. Алайда еш нәтиже жоқ. Ал енді мал дәрігерлері сынама аламыз дейді. Бірақ ол үшін алдыңғы егілген дәрі-дәрмектің күші тарқауы тиіс екен. Тек содан кейін белгісіз дерттің диагнозын анықтауға кіріспек.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!