Дәурен Абаев, Ақпарат және қоғамдық даму министрі:

- Біз талдау жұмысын жүргіземіз. Бас редакторлармен бірге қанша қоңырау түскенін анықтау керек шығар. Жалпы, мұндай қоңыраулардың болғанын жасырмаймыз. Алайда, кейде журналистер қателікке жол беруі мүмкін. Сәйкесінше, мемлекеттік органдар редакторларға хабарласып, түсіндіруі мүмкін.

Үкіметте өткен брифингте білім беру саласындағы жемқорлықтың жолын кесу жайы айтылды. Әсіресе, жоғары оқу орындарында парақорлықпен күрес күшейтілмек. Бұл ретте жылдап орнынан жылжымаған ректорларды ауыстыру басталады. Енді бұрынғыдай атақ, абыройы аспандап тұрғандар емес қолынан іс келетін жастарды да университет басшысы етіп тағайындауы мүмкін. Яғни ректорлар енді конкурстық жолмен іріктелінеді. Ал, оған жастардың да қатысуына мүмкіндік бар.

Асхат Аймағамбетов, Білім және ғылым министрі:

- Жоғары оқу орындарының жоғары сапалы білім беруін қамтамасыз ету үшін тағы жұмыс жүргізіп жатырмыз. Үш университетті тексеріп, сол университеттердің қазіргі уақытта лицензиясын тоқтату бойынша да шешім қабылдаймыз. Осы жұмыс әрі қарай жалғасатын болады.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!