Тұрғындардың аулада үйілген қоқысқа көзі үйренген. Шенеуніктер аталмыш мәселені жарты жылдан бері шеше алмай келеді. Осыған дейін тазалыққа жауапты компаниялар қоқыс шығарудан бас тартқан. Жеті компанияның қазір небәрі екеуі қалыпты. Олар қаланың барлық қоқысын шығаруға үлгермейді екен.

Гүлназ Нарбекова, Ақтөбе қаласының тұрғыны:

- Қоқыс екі аптадай жатыр. Алдында бір тазартып кетті. Қазір білмеймін. Айналамыз өоқысқа толды.  

Үйілген қоқысқа шағымданған тұрғындар облыс әкімінің де мазасын алған. Ақыры Оңдасын Оразалин кабинетінен шығып қоқыс аралады.

- Бұл жер төрт күн бұрын жиналғаннан кейін қоқыс жиналып қалған ба?

- Төрт күн бұрын жиналған.  

- Кім жинады?

- Біздің компания.

- Сіздер 4 күн бұрын тазаладыңыздар ма?

- Иә.

Аймақ басшысы Ақтөбені «ай соңына дейін қоқыстан тазартамыз» деп отыр. Ол үшін тазалықпен айналысатын мемлекеттік мекеме ашпақшы. Ең қызығы, бұрын дәл осындай комуналдық мекеме – болған. Бердікбек Сапарбаев әкім болып тұрғанда таратып жіберіп, жеке компанияларға жүктеген.  

Оңдасын Оразалин, Ақтөбе облысының әкімі:

- Жалпы қаланы, көпшілікке арналған алаңдарды тазартып болады. Мердігер айтып отыр. Айдың аяғына дейін мұндай жағдай болмайды. Мекемелер әлсіз, оның үстіне жүйесіз түрде істеген. Ол жағдайды тоқтатуымыз керек

Қазір қаладағы қоқысқа қатысты әкімдік жанынан арнайы штаб құрылыпты. Олар жеке компаниялар тастап кеткен аумақты тазартумен айналысады. «Қоқыс мәселесі шешілмейінше, штаб жұмыс істейді», - дейді шенеуніктер.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!