Қаладағы көпқабатты үйдің бірінде болған оқиға бейнебақылау камерасына түсіп қалған. Басын қымтап киінген жігіт кіреберісте қызға бас салып қылқындыра бастайды. Жанталасқан тұрғынның шама-шарқынша қарсылық көрсеткені байқалады. Алайда санаулы секундтан соң жігіт қаша жөнеледі. Зардап шегуші қатты жарақат алмаған. Қазір қарақшылық бабы бойынша іс қозғаған полицейлер оқиғаның жай-жапсарын анықтауға кірісті.  

Жанна Белялова, Павлодар облысы ПД баспасөз хатшысы:

- Күдікті зардап шеккен жаннан ештеңені алмаған. Оның үстіне қыздың өзінде қандай да бір құнды зат болмапты. Ал күдіктінің не себепті мұндай қадамға барғанын ол қолға түскен соң анықтаймыз.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!