Қасым-Жомарт Тоқаев әр минутты құр жібермеуде. Бас ассамблеяда үзілісті ұтымды пайдаланып, Швейцария, Болгария, Польша, Грузия президенттерімен кездесіп, экономикалық және саяси қарым-қатынасты жандандырып жатыр. Әрі Украина президенті Владимир Зеленскиймен де жолығып, әріптесін Нұр-Сұлтанға шақырды.

Қасым-Жомарт Тоқаев, ҚР Президенті:

- Президент мырза, сізбен кездесудің жақсы мүмкіндігін пайдаланып, Сізді Қазақстанға шын жүректен шақырғым келеді.

Владимир Зеленский, Украина президенті:

- Көп-көп рақмет! Шақыруыңызды қуана қабылдаймын. Біздің тарапымыздан да Сізді қонақжай Украина еліне келуге шақырамыз.

Бүгін де Тоқаевтың жұмыс кестесі өте тығыз. Дегенмен саяси дебаттар енді ғана басталды. Президент Нұр-Сұлтан уақытымен түнгі бірде тағы мәлімдеме жасауы керек. Оған дейін Қасым-Жомарт Тоқаевтың тағы да екі жақты кездесулері жоспарланған. Дәл қазір мемлекет басшысы Молдова президенті Игорь Додонмен кездесуге дайындалып жатыр. Одан кейін Люксенбург премьер-министрі Ксавье Беттельмен жолығады. Тараптар қандай келісімге келеді және президенттің БҰҰ қабырғасындағы кезекті мәлімдемесі жайлы алдағы шығарылымда толығырақ айтып береміз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!