Ол жерге «ән шырқауға» тек шетелдік азаматтар кіреді екен. Басым бөлігі - қытайлықтар мен оңтүстік кореялықтар. Екі ай бұрын ашылған караокеге кіру бағасы удай қымбат. Яғни кез келгеннің қалтасы көтере бермейді.

Жалпы Алматыдағы арнайы операция барысында полиция барлығы 14 қыз-келіншекті ұстады. Олардың екеуі – Өзбекстанның, біреуі – Ресейдің, тағы 3-уі Оңтүстік Корея азаматтары. Арасында отандастарымыз да бар.

Түрлі жастағы шетелдік жезөкшелер клиенттермен құпия сөз арқылы сөйлесіп, күні-түні қызмет көрсеткен. Ал караоке иесі әкімшілік жазамен құтылды. Айыппұл көлемі 15 айлық есептік көрсеткішті құрайды.

Салтанат Әзірбек, Алматы қалалық полиция департаментінің ресми өкілі:

- «Шәй ішеміз» деп келген клиенттерге қызкеліншектер тек бір кештің ішінде көңіл аударатын болады. Ал «кофе ішеміз» деген клиенттерге интимді тұрғыда қызмет атқарылады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!