Джоковичтің Қазақстанға бұл алғаш келуі. Серб спортшысы бас қаланы көрген бойда бірден ұнатқанын жасырмады. Талай турнирдің төрін бермеген Рафаэль Надаль екеуі президентпен кездесуге алдын ала дайындалған. Тоқаевқа өздерінің аты жазылған жейделерін тарту етті.

Мәртебелі меймандар да Ақордадан құр қол шықпады. Қасым-Жомарт Тоқаев екі теннисшіге де ұлттық үлгідегі сағат сыйлады. Одан бөлек, жақында ғана отау көтерген Рафаэль Надальға отандық шеберлер қолдан жасаған қымбат тастармен әшекейленген хрусталь ваза тарту етті.

Новак Джокович пен Рафаэль Надаль Қазақстанға қайырымдылық матчын өткізуге арнайы келген. Күллі елдің назарын аударған теннисшілердің айқасы «Барыс Аренада» өтіп жатыр. Турнирден түскен қаржы қайырымдылыққа жұмсалады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!