27 жастағы жігіт атыс қаруларын көлігіне салып жүрген. Полицейлер оны ұзақ аңдыған екен. Күдіктіні ұстауға арнайы операция ұйымдастырылған. Бірақ істің басқа мән-жайын ашып айтқан жоқ. Тінту кезінде Думан шағын ауданында тұратын азаматтың көлігінен заңсыз айналымда жүрген 12-ші калибрлі екі мылтық, карабин, тегіс ұңғылы мылтық пен 15 оқ-дәрі тәркіленді. Жігіт бұрын ақша бопсалағаны үшін сотты болған.

Салтанат Әзірбек, Алматы қалалық полиция департаментінің ресми өкілі:

- Із кесушілердің айтуынша, бұл азамат аса ауыр қылмысқа бел буған. Қарақшылық шабуыл, тонау әрекеттерін жасамақшы болған. Заттардың барлығы арнайы сотбаллистикалық сараптамаға жөнелтілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!