Ақтөбедегі марафон Елбасының «Ел үміті» бастамасының аясында ұйымдастырылған алғашқы шараларының бірі. Оған кәсібін дөңгелетіп отырған жас бизнесмендерден бастап халықаралық додаларда топ жарған спортшы да, мәдениет саласында мықтылығын танытқан өнерпаз да шақырылған. Бас-аяғы үш мыңдай жас жиналды. «Мақсат – жетістікке жеткен жасты қолдап, қатарластарына үлгі ету», - дейді қор басшылары.

Әсет Исекешев, Тұңғыш президент – Елбасы қорының атқарушы директоры:

- Марафонның мақсаты – иноваторларды, математик, физик, химиктерді және бизнесмен, спортшылар мен мәдениет саласының жас мамандарын қолдау. «Ел үміті» аясында көптеген жаңа жобалар болады.

Бес облыстан жиналған жастардың ішінде ең мықтылары «Ел үміті» сыйлығымен марапатталды. Олар қатарластарына тәжірбиесін бөлісіп, жетістікке жету жолындағы қиындықты, бастан кешкен қызықтарын айтып берді. Солардың бірі – отыз жастағы Арман Сакишев. Ол елімізде алғашқылардың бірі болып сандық стоматология ашқан кәсіпкер. Емханасында дәрігерлер тісті жаңа технологияның көмегімен емдейді.

Арман Сакишев, «Ел үміті» сыйлығының иегері:

- Бірінші президент қорының арқасында өтіп жатыр. Менің ойымша, жастарды ынталандырып, кәсіпкерлікпен айналысуына немесе өз ісінде жетістікке қол жеткізу, лидер болуға ықпал етеді. Бұл үлкен инвестиция.

«Ел үміті» марафоны енді Нұр-Сұлтан мен Алматыда жалғасады. Нұрсұлтан Назарбаевтың бастамасымен қолға алынған бұл жоба аясында жастарға гранттық қолдау көрсетіліп, ауыл балаларына «Мың бала» сайысы ұйымдастырылады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!