Жаңа органның құрылуына Сенат спикері Дариға Назарбаева мен оның өзбекстандық әріптесі Танзила Нарбаева қол қойды. Құжат реформаларды құқықтық қамтамасыз ету және әлеуметтік-экономикалық даму саласында тәжірибе алмасу бағдарламаларын жүзеге асыру, сондай-ақ екіжақты шарттар мен келісімдерді қабылдау және ратификациялау процестерін жеделдету мәселелерін қамтымақ.

Екі елдің Сенаты арасында 2019-2020 жылдарға арналған ынтымақтастықты дамыту жөніндегі бірлескен Жол картасына қол қойылды.

Дариға Назарбаева, Сенат спикері:

- Екі елдің қарымқатынасы өте нәтижелі болады деп ойлаймын. Өйткені бізде барлық мәселелер бойынша өзара түсіністік пен келісім бар. Сенат құрамындағы комитеттер де ынтымақтастықты жолға қою қажет. Сауда-экономикалық қарым-қатынастағы кедергілерді болдырмау бойынша жұмыс белсенді жүргізілу керек.

Танзила Нарбаева, Өзбекстан Республикасы Олий мәжілісі сенатының спикері:

-  Қысқа мерзім ішінде Қазақстан мен Өзбекстан парламенттерінің жасаған жұмыстарына алғыс айтқым келеді. Болашақта жұмыс көп. Екі ел достық қарым-қатынасқа маңыз береді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!