Соғыс жылдарындағы шығармалар қазақ, орыс және Еуропа классиктерінің туындылары орындалды. Бірнеше жыл бұрын қолға алынған жоба жақсы жүзеге асырылып келеді. Әсіресе ардагерлер жас кезін есіне алып, бір жасап қалды.

Тимур Орманшиев, ҚР Еңбек сіңірген қайраткері:

- Еліміздің ең үздік деген музыка майталмандары өнерін паш етті. Барлығы өнер сүйер қауыммен қуана қауышады. Аға буынды ешқашан ұмытпауымыз керек. Үнемі қолдан келгенше еске алып жақсылық жасасақ, оларға да, бізге де маңызды.

Жобаның мақсаты - бүгінгі жас буын мен соғыс қасіретін және соғыстан кейінгі ауыр кезеңді бастан кешірген аға ұрпақ арасындағы рухани жалғастықты нығайту. Сондай-ақ, батырлық пен ерліктің үлгісі болған ардагерлерге деген шынайы алғыс дейді ұйымдастырушылар. 

Жанат Сексенбаев, «Дегдар» Гуманитарлық қоры директорының орынбасары:

- «Дегдар» қоры барлық алысжақын елді мекенде орналасқан соғыс және тыл ардагерлеріне осындай мүмкіндік жасап келеді. Олар енді өз жерлерінде, өз сахналарында, өз заманындағы әуезді классикалық музыканы тыңдай алады. Бұл жобамыз жыл сайын қарқынды дамуда.

Жобаны жүзеге асырушылар бұл жолы Өскемендегі 295 адам орналасқан жергілікті қарттар үйі мен мүмкіндігі шектеулі қарияға қол ұшын созды. 

Асхат Садыров, Зевакин арнайы әлеуметтік қызмет көрсету орталығының директоры:

- «Дегдар» қайырымдылық қорының біздің мекемеге жаңа құралжабдықтар әперіп көрсеткен көмегіне тағы да алғыс айтқым келеді. Қор расында көптеген қайырымды істер жасауда. Көпкөп рақмет!

Ауқымды жоба «Дегдар» қайырымдылық қорының қолдауымен 2011 жылдан бері жүзеге асырылып келеді. Осы уақыт аралығында белгілі музыканттар барлық облыс орталықтарында 90-ға жуық тегін концерт қойған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!