Бішкек: Қырғыздар жемқорлыққа қарсы митингіге шықты
Қырғыздар қайта бас көтерді. Бішкектегі парламент ғимаратының алдына мыңдаған адам жиналып, жемқорлыққа қарсы митингке шықты.
25.11.2019
Олар Қырғызстанның мемлекеттік кеден қызметі басшысының бұрынғы орынбасары Райымбек Матраимовті жауапкершілікке тартуды талап етуде. Өйткені экс-шенеунік Қытайдан қылмыстық жолмен кантрабандалық тауар тасымалдап, оны Ресей, Қазақстан, Өзбекстанға өткізді деген күдік бар. Кеден қызметіндегі бұл былықты журналистік зерттеу жүргізген жергілікті тілшілер анықтапты. Олар Қырғызстаннан 700 миллион доллардың заңсыз шығарылғанын да дәлелдеуге тырысқан. Мұндай қомақты қаржыны қолды қылуға Қытай азаматы Айеркен Саймаити «көмектескен» дейді. Бұған дейін Саймаитиге белгісіз біреулер қысым жасап, ол Түркияға қашып кеткен еді. Алайда осыдан екі апта бұрын оны өлтіріп кетті.
Қазір Бішкектегі наразылық шарасына шыққандар жемқорлыққа белшесінен батқан барлық кеден қызметкерлері мен осыған көз жұма қараған құзырлы орган басшыларын түгел жазалауды талап етуде. Билікті ұры-қарылардан тазартып, жаңа реформа жасалсын деп ұрандатты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
