Көпқабатты екі үйдің жертөлесінен есірткі даярлайтын өсімдіктің 17 түбі тәркіленді
Оралда көпқабатты екі үйдің жертөлесінде қарасора өсірген 32 жастағы қала түрғыны ұсталды. Тәртіп сақшылары жерасты бау-бақшасынан есірткі даярлайтын өсімдіктің 17 түбін тәркілеген.
Автор: Саят Дәулетжанұлы
26.11.2019
Бағбандыққа тыңғылықты дайындалған тұрғын өсімдіктің бетін жауып, астына қыздырғыш шамдар орнатыпты. Жертөледен қолданысқа әзірленіп, кептірілген шөптің үш бумасы да табылды. Полицейлер есірткі «агрономына» қатысты Қылмыстық кодекстің екі бабы бойынша айып тағылады дейді. Тыйым салынған өсімдікті өсіру және есітркі заттарын заңсыз пайдаланғаны үшін ол екі жылға сотталуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
