Ғабит Миразов қызметтен былтыр қуылған. Бас прокуратура ол кезде де «тәртіп бұзғаны үшін» деп қана, мән-жайды түсіндіруден қашқақтап еді. Көп ұзамай прокурордың түрмеде отырған Талғат Ермегияевпен етене жақын болғаны белгілі болды. Атап айтқанда, «қазына қаржысын жымқырды» деп сотталған ЭКСПО-ның бұрынғы басшысына абақтыда арнайы кабинет ашып беріп, қалаған уақытында қалаған адамымен кездесуіне қолғабыс етті делінген. «Прокуратураның беделін түсірді» деп жұмыстан қуылған Миразов Бас прокуратураның өзінен бір-ақ шықты. Оның әріптестері прокурордың қайтадан басшылық қызметке тағайындалғанында еш әбестік көрмейді.       

Марат Ахметжанов, ҚР Бас прокурорының орынбасары:

- Әрине, әрі қарай жұмыс істеуіне құқы бар. Ол қызметінен босатылды, бірақ өз еркімен арыз жазған. Сондықтан заңға сәйкес, оның қайтып келуіне ешқандай кедергі жоқ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!