Алматы: Түнде бір топ болып төбелескен жігіттер тергеуге алынды
Жастар арасындағы жанжал! Алматыда бір топ жігіт түн ортасында шекісіп қалды. Олардың төбелесін сол маңнан өтіп бара жатқандар видеоға түсіріп алған. Онда жігіттердің бір-бірін аямай сойыл сияқты затпен сабап жатқаны көрсетілген.
Автор: Салтанат Шырынхан
20.12.2019
Текетірес Момышұлы көшесінің бойындағы дәмхана маңында болған. Болжам бойынша, тамақтанып шыққан он шақты жігіт, мәселелерін сыртта шешуге тырысыпты. Сөйтіп жұдырықтасып, бір-бірін төпелей жөнеледі. Бір зардап шегушіге медициналық көмек көрсетіліп, ол үйіне жіберілді. Ал полиция төбелесті бастаған екі азаматты ұстап, тергеу жүргізіп жатыр. Оқиғаның нақты себебі тергеуден соң анықталуы тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
