- Пышағы бар! Қанға малынған пышақ! Құдайым сақтасын! Сұмдықай!

Полицияға 83 жастағы әжей көмек сұрап хабарласқан. Ол 26 жастағы немересінің есікті тарс жауып алып, айғайға басып жатқанын айтқан. Кешікпей тәртіп сақшыларының келгенін көрген ол терезені сындырып, сыртқа ұмтылады. Қолында пышағы бар адамды көшеде полицейлердің қуып келе жатқанын көріп жұрт шошып кеткен. Қолындағы суық қаруын жалаңдатып бой бермеген жігітті тәртіп сақшылары ағаштың бұтағымен ұрып жығып қолға түсірді.

Гүлнар Пинчук, Ақмола облыстық ПД баспасөз қызметінің жетекшісі:

- Терезеден секіріп қаша жөнелген азаматты полиция кешікпей ұстады. 1993 жылы туған жігіт медициналық мекемеге жеткізілгеннен кейін, оның ақыл есінде ауытқуы бар екені анықталған. Бұған дейін есепте тұрыпты. Қазір ол ем-дом алуға арнайы мекемеге жатқызылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!