Абай Құнанбаевтың 175 жылдығы аясында ауқымды жобаға кіріскен Ұлттық аударма бюросында нағыз қарбалас шақ. Мамандар Мәскеудегі қабырғалы қаламгер Анатолий Киммен ғаламтор арқылы тілдесіп, Абайдың қара сөздерінің орыс тіліндегі жолма-жол аудармасының көркемдік қуатын талқылап жатыр. Биыл ұлы ақынның шығармалары әлемнің маңдайалды 10 тіліне аударылады.

Рауан Кенжеханұлы, «Ұлттық аударма бюросы» ҚҚ атқарушы директоры:

- Оның ішінде ағылшын, араб, қытай, испан, италиян, француз, орыс тілдері. Бұл – БҰҰ-ның алты ресми тілі. Осы алты тілге қосымша италиян, неміс, жапон және түркі тілдері қосылып отыр.

Абай туындылары бір ғасыр ішінде әлемнің көптеген тіліне аударылса да, бұл бастаманың жөні бөлек. Өйткені ақын шығармалары осы жолы басым бөлігіне түпнұсқанадан аударылуда. Енді шетелдіктер Абайдың 3 поэмасын, 45 қара сөзі мен 145 өлеңін өз тілінде оқи алады. Ал ақынды орыс тілінде сөйлеткен жазушы: «Оның әлеміне тереңдеу оңайға түспеді», - дейді. 

Мәдина Омарова, жазушы:

- 45 қара сөзді аударып шықтым. Содан кейін 3 поэмасын аудардым. Жолма-жол аудармасын жасадым. Әсіресе 38-ші сөзін аудару өте ауыр болды. 15 бет кәдімгі файлдық бетпен. Және діни философиясы, өзінің азаматтық ұстанымы, бүкіл ғақлиясы – 38-ші сөз.

Аудармаға таңдап алынған 10 тілдің жілігін шағатын өз өкілін тарту көзделген. Болашақта әр тілде үш мың данамен таратылаптын Абай шығармалары тойдың нағыз қызған шағында – тамызда жарық көрмек.

Ұлы Абайдың 175 жылдық мерейтойының шымылдығы өткен аптада ресми түрде ашылды.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!