Әйелдердің жағдайын жақсартатын жол картасы әзірленді
Елімізде әйелдердің жағдайын жақсартуға бағытталған жол картасы әзірленді. Құжат нәзік жандылардың қоғамдағы рөлін арттыруды көздейді. Жол картасында жазылған жоспар алдымен Алматыда жүзеге асырылмақ.
Автор: Әсем Қабылбек
12.02.2020
Қазақстанда әйелдер қауымы ел тұрғындарының 52 пайызын құрайды. Әйелдердің қолтаңбасын кез келген саладан көруге болады. Дегенмен қыз-келіншектердің құқығы мен мүмкіндігінде өмір сүру сапасын жақсарту төңірегіндегі түйткілдер көп. Былтыр «Қазақстан әйелдері күштерінің альянсы» Алматыда әлеуметтік зерттеу жүргізген. Қыз-келіншектердің зорлық-зомбылыққа жиі ұшырайтыны және ең төменгі жалақы алатыны анықталған. Соған сәйкес түрлі жастағы топтың қажеттіліктері ескеріліп, жоспар бекітілді дейді бастамашы топ.
Раушан Сәрсембаева, «Қазақстан әйелдері күштерінің альянсы» төрайымы:
- Алматыда әлеуметтік сауалнама жүргізіп біраз ақпарат жинадық. Алдымен әйелдерге қиын жағдайда құқықтық көмек көрсететін байланыс орталығын құрмақпыз. Арнайы портал іске қосылады. Кәсіпкерлікті дамытуға да басымдық берілмек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
